«Միֆ է, որ մենք՝ Հայերս, հյուրընկալ ենք»․ Նազենի Հովհաննիսյան:

Հեռուստահաղորդավարուհի, դերասանուհի Նազենի Հովհաննիսյանն անդրադարձել է օտերերկրյա այցելուների վերաբերյալ ակտիվ քննարկումներին։ Նրա խոսքով՝ պետք է վերահսկել, թե ովքեր են առհասարակ մտնում երկիր։ Բայց տուրիզմը կամ աշխատանքային միգրացիան զարգացնելիս եթե այսքան ընտրովի մոտենանք հարցին, ուրեմն պետք է միայն սպիտակամաշկ ֆրանսիացիներ գան Հայաստան։

«Միֆ է, որ մենք՝ Հայերս, հյուրընկալ ենք։ Լեգենդ է, հորինվածք, կամ ինքնախաբեություն։ Սոց. կայքերով տարածվող ատելության այս ալիքը խաղաղ, մեզ ոչ մի վատություն չանող օտարերկրյա այցելուների նկատմամբ մեր գլխին է կոտրվելու մի օր։

Այսինքն՝ մեր ակտիվ ու ատելությամբ իր բնակիչներին մեր դեմ թունավորող հարեւանների հետ «սեր» ու «համերաշխություն» ենք խաղում, իսկ ուղղակի տուրիզմի կամ թեկուզ աշխատանքային միգրացիայով Հայաստան եկած հնդիկին, պարսիկին, թեկուզ ռուսին՝ շատ վատ վերաբերմունքով բացասում ենք։ Երդվում եմ, թե բան եմ հասկանում։

Ռուսները դարերով մեզ դիմանում են։ 1 մլն 183 հզ։

ԱՄՆ-ում ասում են, որ մինչև 1 մլն կամ ավելի, Լիբանան (250000- ից ավելի), նույնը Իրանում… մի խոսքով՝ թվերին շատերդ ինձնից լավ եք տիրապետում։

Ինչ խոսք պետք է վերահսկել, թե ովքեր են առհասարակ մտնում երկիր։ Բայց տուրիզմը կամ աշխ. միգրացիան զարգացնելիս եթե այսքան ընտրովի մոտենանք հարցին, ուրեմն պետք է միայն սպիտակամաշկ ֆրանսիացիներ գան Հայաստան։ էն էլ դժվար…»,- Instagram-ում գրել է նա։

Նազենի Հովհաննիսյանը նշել է, որ իրեն հետաքրքիր է յուրաքանչյուրի կարծիքը, փորձը, օրինակը, մանավանդ որ դրսում ապրող հայերն այդքան ակտիվ դերակատարում ունեն Հայաստանի կյանքում եւ վստահորեն օտարության մեջ շատ դժվարություններ են ապրել՝ նախքան ինտեգրվելը։

Նմանատիպ գրառումներ

Լուրեր Հայաստանից