Ռուսաստանում դեղամիջոց է մշակվել՝ ուղղված տարածվող քաղցկեղի բուժմանը:

Ռուսաստանում մշակվել է եւ գրանցման է պատրաստվում դեղամիջոց, որն ուղղված է տարածվող քաղցկեղի բուժմանը: Այս մասին հայտնում են ռուսական լրատվամիջոցները՝ վկայակոչելով ՌԴ առողջապահության նախարար Վերոնիկա Սկվորցովային:

Ռուս նախարարը տեղեկացրել է, որ միանգամից մի քանի հակաքաղցկեղային դեղամիջոցներ կլինիկական հետազոտությունների տարբեր փուլերում են: Միաժամանակ, առավել մեծ արդյունավետություն է ցուցադրել anti-PD1 դեղամիջոցը:

«Այն աշխատում է արդեն մետաստազներ տված քաղցկեղների դեպքում, ինչպես՝ մելանոման, թոքերի ոչ մանրբջջային քաղցկեղը եւ երիկամների քաղցկեղը, նաեւ այլ տեղայնացումների դեպքում»,- Պետերբուրգյան միջազգային տնտեսական համաժողովի ժամանակ հայտնել է Սկվորցովան:

Նմանատիպ գրառումներ