Արտակարգ դեպք/Պատահարներ

Էրեբունիում ամբողջությամբ բնակարան է այրվել. դեպքի վայր է մեկնել 4 մարտական հաշվարկ:

Հունվարի 1-ին, ժամը 02:10-ին «911» ծառայությանն ահազանգ է ստացվել, որ Երևան քաղաքի Էրեբունու փողոցի թիվ 21/1 շենքի 7-րդ հարկի բնակարաններից մեկում հրդեհ է բռնկվել:

Այս մասին հայտնում են ՀՀ արտակարգ իրավիճակների նախարարությունից։

Հրդեհի բարդության «ԲԻՍ-1» կանչով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից չորս մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը, Աղետների բժշկության կենտրոնի հերթապահ խումբը:

Հրդեհը մեկուսացվել է ժամը 03:10-ին, մարվել՝ 03:22-ին:

Քաղաքացի Ա. Բ.-ին պատկանող բնակարանն ամբողջությամբ այրվել է (մոտ 45 քմ՝ գույքով):

Առնչվող Հոդվածներ