Արտակարգ դեպք/Պատահարներ

Մահացել է վթարի ենթարկված բալետի 23-ամյա արտիստը

«Վատ լուր. Այսօր առավոտյան մահացել է Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնի բալետի արտիստ 23-ամյա Վահագն Մարգարյանը»,- ֆեյսբուքյան իր էջում գրել է Երևանի Մխիթար Հերացու անվան պետական բժշկական համալսարան աշխատակազմի ղեկավար Շուշան Դանիելյանը:

Հիշեցնենք, որ նոյեմբերի 6-ին՝ Երևան-Աշտարակ ճանապարհի Պռոշյան գյուղի տարածքում Վահագն Մարգարյանը վթարի էր ենթարկվել: Նրա վիճակը բժիշկները գնահատում էին ծանր: Նա վերակենդանացման բաժանմունքում էր: Վահագն Մարգարյանն ստացել էր մի շարք լուրջ վնասվածքներ, այդ թվում` գլխի շրջանում: Նրան վիրահատել էին, հեռացրել փայծաղը:

Առնչվող Հոդվածներ