Հասարակություն

Մարիխուանա ծխելը բարձրացնում է տղամարդկանց բեղունությունը. Հարվարդի համալսարան

Հարվարդի համալսարանի գիտնականները անսպասելի բացահայտում են արել. կյանքում գոնե մեկ անգամ կանաբիս ծխած տղամարդկանց բեղունության մակարդալը բարձր է, քան նրանց մոտ, ովքեր երբեք այն չեն փորձել: Պարզվել է, որ մարիխուանայի սիրահարների սերմնահեղուկում ավելի շատ սերմնաբջիջներ կան:

Գիտնականները հետազոտել են 2000-2017 թվականներին վերցրած 662 տղամարդկանց սերմնահեղուկի նմուշները: Կամավորների միջին տարիքը 36 տարեկան է եղել, ընդ որում նրանց մեծամասնությունը բարձրագույն կրթություն է ունեցել: Նրանք բոլորը պետք է նաեւ հարցաթերթ լրացնեին, որտեղ մանրամասն պետք  է պատմեին կանաբիսի օգտագործման առաջին փորձի մասին:

Մասնակիցների 55 տոկոսը խոստովանել է մարիխուանա ծխելու մասին, նրանց 44 տոկոսը անցյալում նման փորձ է ունեցել, իսկ 11 տոկոսը հետազոտության ընթացքում շարունակել է թմրամիջոց ընդունել:

Պարզվել է, որ նրանք, ովքեր թմրանյութ են օգտագործել, մեկ միլիլիտրում սերմնաբջիջների կոնցենտրացիան կազմել է 62.7 մլն, իսկ նրանք, ովքեր չեն փորձել կանաբիս՝ մեկ միլիլիտրում 45.4 մլն: Ընդ որում թմրանյութերի սիրահարների միայն 5 տոկոսի մոտ է սերմնաբջիջների քանակը կրիտիկական մակարդակից՝ մեկ միլիլիտրում 15 մլն, ցածր  եղել, մինչդեռ մարիխուանայի հակառակորդների թվում նրանք 12 տոկոս են եղել:

Բացի այդ կանաբիսի օգտագործման եւ տեստոստերոն հորմոնի մակարդակի բարձրացման միջեւ կապ է հայտնաբերվել:

Սակայն գիտնականները չեն շտապում հաստատել, որ մարիխուանա ծխելն իսկապես բարձրացնում է հայրության հնարավորությունը:

«Ստացված արդյունքները պետք է զգուշությամբ մեկնաբանվեն», — նշում են նրանք:

Հետազոտությունը հրապարակվել է Human Reproduction գիտական ամսագրում:

Առնչվող Հոդվածներ