Հասարակություն

Միակ առաջին տիկինը, ով չի փոխել ազգանունը․ Աննա Հակոբյանը

 Armdaily.am-ը շարունակում է #Ոտքից-գլուխ շարքը, որում ներկայացնում ենք հայտնի քաղաքական, հասարակական և պետական գործիչների կերպարների վերլուծությունը:

Այս շաբաթվա մեր հերոսը վաչապետ Նիկոլ Փաշինյանի կինն է՝ Աննա Հակոբյանը:

Ոճաբան Գեղամ Շերոյանը, Make up արտիստ Աղավնի Պետրոսյանը և վարսահարդար Նոնա Խաչատրյանը վերլուծել են նրան՝ ոտքից գլուխ:

Աննա Հակոբյանը նախընտրում է հարմարավետությունը

Ոճաբան, դիզայներ Գեղամ Շերոյանը նշեց, որ Աննա Հակոբյանը այն հասարակական դեմքերից է, ով միշտ գիտի որտեղ ինչ հագնել, բայց ցանկացած հանդիպման ժամանակ նախընտրում է հարմարավետությունը:

«Նկատել եմ , որ Աննա Հակոբյանը նախընտրում է հարմարավետությունը, անգամ պաշտոնական այցերի և հանդիպումների ժամանակ: Նաև նկատել եմ, որ առօրյա կյանքում նա խիստ հասարակ է հագնվում, օրինակ՝ փողոցում զբոսնելիս նախընտրում է մնալ աննկատ և չտարբերվել շրջապատից»,-ասաց ոճաբանը՝ հավելելով, որ վարչապետի կինը այն կանանցից է ում սազում են բոլոր գույներն ու ոճերը:

Վերջերս Աննա Հակոբյանը միջոցառման էր մասնակցել մի կերպարով, որը սոցիալական կայքերի օգտատերերի մոտ ոչ միանշանակ ընդունվեց: Օգտատերերի մեծամասնությունը չհավանեց նրա այս կերպարը:

Գեղամ Շերոյանը ընդգծեց, որ այնքան էլ հաջող չի եղել հագուստի և մասնավորապես ջինսե տաբատի ընտրությունը:

«Չեմ կարող չշեշտել, որ ջինսե տաբատը փոքր ինչ անսովոր և տարօրինակ է նայվում: Ցանկալի կլիներ, որ նման տեսակի վերնահագուստի (պիջակ) և բարձրակրունկների հետ համադրվեր սև, դասական տաբատը, որը կընդգծեր վարչապետի տիկնոջ էլեգանտությունը»,- ասաց ոճաբանը:

 

Աննա Հակոբյանը կամ շատ կոպիտ է կամ շատ նուրբ

Make up արտիստ Աղավնի Պետրոսյանը նշեց, որ բազմիցս ուսումնասիրել է վարչապետի տիկնոջ կերպարը, և հասկացել է, որ Աննա Հակոբյանը մեկ շատ կոպիտ է, մեկ շատ նուրբ: Նրա մոտ այդ երկու վիճակների միջինը չկա:

Похожее изображение

«Ես նկատել եմ, որ նա ցանկանում է բնական միշտ երևալ, բայց պետք է հաշվի առնենք, որ կնոջ տարիք կա, երբ նա պետք է պարզապես խնամված լինի: Հարկ եմ համարում նշել, որ Աննա Հակոբյանը ունի շատ նուրբ դիմագծեր, սակայն կախված օրվանից և իրավիճակից, նրան տեսնում ենք դիմահարդարմամբ, որը կոպտացնում է նրա դիմագծերը»,- ասաց դիմահարդարը:

Похожее изображение

Վերջինս նշեց, որ վերջին շրջանում նկատել է, որմ Աննա Հակոբյանը մազերի գույնը սև է ներկել: Դիմահարդարի խոսքով այդ գույնը նրա դիմագծերը կոպտացրել էր:

Картинки по запросу աննա հակոբյան

«Նրան ավելի սազում են տաք գույները, օրինակ՝ մուգ շոկոլադի երանգը: Ես խորհուրդ կտամ բացառել մազերի սև երանգը: Իսկ դիմահարդարման մեջ խորհուրդ կտամ այնպիսի գունային համադրություններ անել, որպեսզի չշարժվող կոպը չընկնի շարժվողի վրա, ինչը հայացքը ավելի թախծոտ չի դարձնի»,- ասաց Աղավնի Պետրոսյանը:

Դիմահարդարը խորհուրդ է տալիս նաև օգտագործել բաց վարդագույն շրթներկ, ինչպես նաև ծիրանագույնի տարբեր երանգները:

Ներկայում Աննա Հակոբյանի կերպարն ավելի ստացված է

Վարսահարդար Նոնա Խաչատրյանը նշեց, որ Աննա Հակոբյանի ներկայիս կերպարն ու մազերի հարդարումը շատ ավելի ստացված են, քան տարիներ առաջ, երբ նրա մազերը երկար էին, փոքր ինչ անխնամ:

«Կարող եմ ասել, որ հիմա վարչապետի տիկինը շատ ճիշտ ոճաբան է ընտրել, որն ընդգծում է նրա ողջ կանացիությունը և էլեգանտությունը»,- ասաց վարսահարդարը:

Похожее изображение

Վերջինիս խոսքով ներկայում Աննա Հակոբյանի կերպարը սազում է իրեն, թե տարիքի առումով, թե ընդհանուր կերպարի:

Похожее изображение

Վերջին շրջանում Աննա Հակոբյանի հարաբերությունները մամուլի հետ այդքան էլ լավ հարթության վրա չեն։ Նրանց բրյուսելյան այցը և հատկապես այնտեղ Աննա Հակոբյանի և դստեր հայտնվելը պետբյուջեի հաշվին երկար քննարկվեց։ Իհարկե պաշտոնապես հերքվեց, որ նրանք պետբյուջեի հաշվին են մեկնել Բրյուսել, սակայն հին անեկդոտի նման այն նստվածք թողեց թե Աննայի, թե այնտեղ գտնվող լրագրողների վրա։

Աննա Հակոբյանը «Հայկական ժամանակ»-ում ինքն իր հետ ենթադրյալ հարցազրույց տպագրեց, որն ավելի շատ նման էր մենախոսության՝ նա փորձել էր լրագրողների փոխարեն մտածել՝ իր այցը վերածելով սենսացիայի։ Բրյուսել մեկնած լրագրողների պատասխանը չուշացավ։ Այն մեղադրանքին, որ լրագրողներն իրեն ու դստերը տեսնելով շոկի մեջ են ընկել ու հարցազրույց չեն վերցրել, լրագրողները պատասխանեցին, որ չեն ուզել խանգարել, մանավանդ, երբ իրենց տեսնելով Աննա Հակոբյանը փակել է դեմքը՝ չճանաչելու տալով։

Թե որքան կտևեն փոխհրաձգությունները դժվար է ասել, սակայն այն, որ Հակոբյանը մամուլի հանդեպ հաճախ անհանդուրժող վերաբերմունք է ցուցաբերում անթաքույց է։ Նա իր էությամբ պայքարող կին է, նկատենք, որ նա մինչ այժմ եղած մեր երկրի ղեկավարների կանանցից միակն է, ով չի փոխել իր ազգանունը՝ նախընտրելով կրել նախաամուսնականը:

Картинки по запросу աննա հակոբյան

Շարքը՝ Արփինե Պետրոսյանի:

armdaily.am

Առնչվող Հոդվածներ